NRK Meny

Statoil geassáda Ruonáeatnamis

Stuorra oljofitnodagat Norgga Statoil, fránska GDF Suez ja dánska Dong Energy leat mearridan geassádit ohcandoaimmaineaset Ruonáeatnamis, dasgo bohkamat leat divron ja oljohattit leat njiedjan. Ruonáeatnama ráđđehus bearai 2011:s 392 miljovnna dollara ovddas oljoohcanvearuid, ja manaha stuorra ruđa go oljofitnodagat bissehit ohcamiid.