NRK Meny
Normal

Spildi

Dálvemearka čakčat lea go jávrrit ja jogat spildot.

Gavdda
Foto: Else Turi / NRK

Asehis jiekŋa

Spildi lea hui asehis jiekŋa. Čakčat go galbmigoahtá, de jávrrit spildot ihkku. Dat mearkkaša ahte čáhci bajil galbmo, muhto beaivvi ala sáhttá nálget. Jos jogas suddá dan mađe diet veahá jiekŋa, de dat vuolgá ja de golgagohtet suosat.

Oarjjabealde dáidá dát asehis jiekŋa gohčoduvvot gavddan.

Gáldu: Konrad Nielsena sátnegirji ja Kárášjoga almmái Anders Johnsen.

Iđedisguovssu

Paulus Utsi:

Iđedisguovssu

beaivvi álgu,

duolmmut násttiid čuovggainat,

Jievja balvvaid,

muohtaváriid

duohken ravddaid vuosehat.

Mierká johtá

eanan bihcu,

Láddot gavdot

jogat bođaštit.

Rusta jávrris loktana.

(Duov'dagat ja bargot)