NRK Meny
Normal

Spellemann-Niko guossin Luo-Mus Máilmmis!

Son lea Spellemann-vuoiti, Liet-vuoiti ja guovtte geardde Sámi Grand Prix lávlunoasi vuoiti. Son lea Niko Valkeapaa, ja 30.5.2008 finadii son Luo-Mus Máilmmis!

Foto: Lill-Tove Veimæl / NRK

Niko Luo-Mus Máilmmis 30/5-08

Niko Valkeapää lea dál gárveme iežas goalmmát skearru, ja plánaid mielde dat ilbmá suoidnemánus. Sii geat háliidit gullat Niko ođđa šuoŋaid, besset várra dan dahkat go son doallá dáid konsearttaid;

  • Davvi-Norgga riemuin Harstadas geassemánu 22. beaivvi.
  • Márkomeanus Evenáššis, mii lágiduvvo suoidnemánu 23. beaivvis 27. beaivái.

Dá lea oassi das maid Niko Valkeapää dássážii lea oláhan:

  • Vuittii Sámi Grand Prix lávlunoasis 1994 ovttas Inger Marie Gaino Nilutiin, lávlagiin ”Duinna gávnnadit”
  • Vuittii Sámi Grand Prix lávlunoasis 1995 lávlagiin "Vádjolus"
  • Almmuhan cdaid "Niko Valkeapää" (2003) ja "Sierra" (2004)
  • Oaččui Spellemann-bálkkašumi rabas luohkás 2003
  • Vuittii Liet unnitgielaid lávlungilvvu 2004, lávlagiin "Rabas mielain"
  • Beaivváš sámi teáhteris leamaš neavttárin "Veijo Länsman - Elii giđas geassái" (2004)
  • Áidna sápmelaš gii lei evttohassan Eurohpa parlameantta válggaide 2004s. Son lei Ruoná Listu evttohas.
Niko Valkeapaa CDat
Foto: Wenche Marie Hætta / NRK