– Dan jagi mii leat bidjan sierra luohkká, man namma lea showklássa. Dat ii leat duođalaš ii ollenge. Das sáhttá beare somá leat, iige leat eaktu boahtit vuosttažin mollii, muitala lágideaddji Máze gilisearvvi bealis Marit Helene Eira.
Marit Helene Eira
Foto: Dan Robert Larsen / NRK16 joavkku juo dieđihan
Dieđusge dan jagi leat maid duođalaš gilvvut ja juohkelágan klássat masa sáhttá oassálastit gii fal. Doppe leat sierra gilvvut mánáide ja nuoraide. Sihke pro ja standárda gilvvut rávesolbmuide.
– Standard spárkka ii leat lohpi rievdadit ja dat galgá leat juste nu go fabrihkas. Pro spárkka oažžu fas ieš ráhkadit ja bidjat plastihkaid vuđđui, jus háliida.
Fiaskobálkkašupmi
Dán jagi gilvvut fállet eanet go ovdal. Jus lea veahá moivi, datge ii daga maide.
– Mii leat oaidnán go leat lágidan dáid gilvvuid, ahte leat muhtimat geaiguin ii mana nu bures. De leat mii bidjan dán jagi dakkár “fiaskobálkkašumi”. Jus mat billahuvvá spárka, de dat soaitá oalle fiasko leat.
Maiddái juohke gilvvu falimus bálkkašuvvo. Ja muhtun geahčči. Muhto Máret Helene Eira mielas goitge lea gudni dat buot buoremus bálkkašupmi.
– Na buoremus lea dieđusge gudni. Ja de leat ruhtavuoittut daid buoremusaide. Ja medálja ja láselihtti.
GULDAL ÁŠŠI:
