Olbmot lohket gal su leat buorideaddjin, muhto son lea dušše gaskaoapmin buorádussii. Ipmel áhčči dat buorida, iige son, lohká kárášjohkalaš Runar Balto.
Morihii imašlaš dáhpáhussii
Iežas muitala moridan kristtalaš oskkui 1992s. Ja de geavai nu sullii mánu maŋŋil, ahte son ihkku morihii oainnáhussii. Dalle dien dáhpáhusa maŋŋil de buolligohte sus gieđat ja juolggit. Iežas lohká imaštallan manne nie geavai. Muhtin olmmoš muitalii de sutnje dan ahte diet lea čielga diehtun sutnje, ahte lea oainnáhusain ožžon buoridanattáldaid Ipmilis.
Son lea dušše gaskaoapmin buoridussii
Iežas ii loga leat dat gii buorida, son dušše doalvu áššiid Ipmila ovdii. Dan son dahká rohkos bokte. Ja de lea Ipmila duohken buoridit jos dat lea su dáhttu. Danne eai galgga olbmot su giitit jos buorránit, sii galget Ipmila giitit, son dat lea gii buorida, lohká Runar Balto