Hopp til innhold

Son oahpásmahttá min rama-indiánaide Nicaraguas

Gieskat almmustuvai Haldis Baltto girji «Ramaid luhtte Nicaraguas». Dás čállá vásáhusain mat sus ledje go lei veahkkebargin Nicaraguas Davviriikalaš Sámeráđi ovddas.

Haldis Balto

Kárášjohkalaš Haldis Balto lea čállán girjji vásáhusain go lei Nicaraguas 1992s. Dál Davvi Girji lea almmustahttán su girjji

Foto: Marit Sofie Holmestrand

Haldis Balto muitala iežas lean guhtta mánu Nicaraguas ráma álgoálbmogiid luhtte. Dát álbmot lea smávva álbmogaš, mii ássá sullos. Dát suolu lea trohpalaš guovllus ja doppe leat olu arvvit. Balto lei veahhhebargin doppe 1992s.

Rama álbmoga mánát

Dá leat rama álbmoga mánát geaid Haldis Balto deaivvai dan áigge go lei veahkkebargin Nicaraguas

Foto: Haldis Balto

Davvi Girji almmuhan girjji oahppogirjin

Haldis Baltto girji

Haldis Baltto girji mas čállá rama álgoalbmogiid eallimis Nicaraguas ja áiggis go ieš lei doppe

Foto: Davvi Girji

Girjji «Ramaid luhtte Nicaraguas» lea Sámediggeráđđi ruhtadan, ja dát galgá vuođđoskuvlla čihččet luohkkalaččaide oahppogirjin. Girjjis leat govat, kárttat, fágateavsttat, muitalusat ja bargobihtát. Dáinna galget sii oahppat eará guovllu álgoálbmoga birra.

Somá gullat eará álgoálbmogiin

Girjealmmuheapmái ledje maid Kárášjoga čihččet-luohkkálaččat bovdejuvvon.

Daniel Somby Reyes ja Lars Johannes Eira Anti

Daniel Somby Reyes ja Lars Johannes Eira Anti lohkaba girjji leat vuogas oahppogirjin

Foto: Marit Sofie Holmestrand

Gánddaguovttos Lars Johannes Eira Anti ja Daniel Somby Reyes lohkaba lean vuogasin bovdejuvvot gullat eará álgoálbmoga birra, nubbi lohká maid dán álbmoga veaháš sulastahttit sápmelaččaid, go siige masá masse iežaset giela. Gánddaguovttos lohkaba maid lean vuogasin beassat leat girjealmmuheamis gullamin dán girjjis, muđui eai livčče sii diehtán dán girjjis eai maidige.

Girječálli lea čállán olu girjjiid

Haldis Balto lea čállán olu girjjiid, oktiibuot lea son leamaš mielde čállimin 17 girjjji. Muhtin dáin girjjiin lea čállán ovttas eará čálliiguin, nugo «Sukká hávvá» girjji. Dál muitala iežas leat fas čállimin Davvi Girjji ovddas girjji.

Publisert

NRK Sápmi – davvisámegillii

Mer om: NRK Sápmi – davvisámegillii

Mer fra NRK Sápmi

Korte nyheter

  • Ođđasat - Davvisámegillii

    Suodjalus guođđán ruskalána álbmotmeahccái: – Hui fasti oaidnit

    Jođidettiin ealuin davás lei Johan Mathis Kemi bohccuid vuodjimin vuomis go gávnnai ruskkalána Rávttošvuomi álbmotmeahcis, Rávttošjár-guotkkus.

    Altaposten muitalii áššis vuosttažin.

    – Dáid gal in livčče goasttadan mielde obanassiige. Mus ledje guokte reaga maŋis, muhto dáid in livčče gal goastadan mielde. Dat lei nu olu, dadjá Kemi NRK:i.

    Kemi oaččui veahki Stig Arvid Kristensenis, gii lei oaggunmátkkis dien guovllus.

    Čearganis ledje earret eará borramušbázahusat ja bruvsa- ja vuollaburkkit. Sihke olles ja guoros diŋggat, muitala Kemi, ja bensinlihtit vaikko man galle.

    – Ii han dat lean dušše okta, iige dušše guokte. Mii gaikkuimet logenáre. Eat mii nagodan visot gaikut dán ruovdecugŋos. Mii gal attiimet vuollái.

    Suodjalusa operatiiva váldoguovddáža korporála, Johnny Karlsen, duođašta NRK:i ahte ruskkat leat báhcán Nato-soahteahárjehusas, Nordic Responses. Hárjehus nogai badjelaš mánu dás ovdal. Karlsen mieđiha ahte rutiinnat eai leat doaibman.

    – Deháleamos lea ahte mii čorget min iežamet maŋis, ja nu johtilit go vejolaš, dadjá Karlsen.

  • Ođđasat - Davvisámegillii

    Aasland lea oadjebas ahte ii šatta ođđa Fovse-ášši Hámmerfeasttas

    Terje Aasland lea oadjebas das ahte buot bealit, maiddái juridihkalaš bealit areálasisabahkkema oktavuođas mii boahtá ođđa el-fápmolinjá geažil Hámmerfestii, leat čielggaduvvon, čállá Altaposten.

    Konsešuvdna lea addojuvvon, ja vaikko boazodoallu ja Sámediggi leat váidalan ja vuosttaldan dan, de válljii Energiijadepartemeanta addit Statnettii ovddalgihtii lobi. Dat mearkkaša ahte álggahit barggu ovdalgo vuoigatvuođat leat čielggaduvvon.

    Dát lea ollugiid mielas njuolggo parallealla Fovse-áššái, mas bieggaturbiinnat ledje jo ceaggámin go Alimusriekti gávnnahii ahte dat lei olmmošvuoigatvuođarihkkun.

    – Finnmárku dárbbaša infrastruktuvrra, elfápmolinjáfierpmádaga mii sáhttá guoddit fámu, leš dal dat bieggafápmoprošeavttas, gássafápmorusttegis mas lea CO2-hálddašeapmi ja vurken, dahje eará lágan fámus, ovdamearkka dihtii čáhcefámus. Elfápmolinjáfierpmádat lea geađgejuolgi ođđaáigásaš servodagas. Dasa ferte maiddái Finnmárku beassat, čilge energiijaministtar Terje Aasland (Bb) Altapostenii.

    Olje- og energiminister Terje Aasland (Ap) i Dubai under klimatoppmøtet COP28.
    Foto: Truls Antonsen / NRK
  • Nyhetssenter Troms og Finnmark

    Krever egen distriktskvote

    Fiskerne i Vardø ba Trygve Slagsvold Vedum om en egen distriktkvote da finansministeren besøkte fiskeværet på mandag.

    Fiskere i åpen gruppe, de som har fiskebåter under 11 meter, har mistet rundt halvparten av kvota i år - sammenlignet med i fjor.

    Og signalene er at kvotene må reduseres ytterligere i årene framover.

    Det slår hardt ut for Vardø der store deler av fiskeflåten er i åpen gruppe.

    Leder for Vardø fiskarlag, Frode Robertsen, frykter fraflytting.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen