NRK Meny
Normal

Árvvoštallá eará stivrenmálle Sámediggái

Son gal dál livččii gearggus árvvoštallat ja molsut stivrenvuogádaga Sámediggái. Dan dadjá Sámedikki ráđđelahttu maŋŋil maŋimus mánu stuimmiid Sámedikkis

Duopmárfámohas Inger Eline Eriksen

Sámediggeráđđi dáhtošii ođđa stivremálle Sámedikkis.

Foto: Tor Egil Rasmussen

Dál lea Sámedikkis stivrenvuogádat man sáhttá gohčodit negatiiva parlamentarisman, mii mearkkaša ahte Sámediggeráđđi stivre nu guhká go Sámedikki eanetlogus lea luohttámuš ráđđái ja dan bargui maid sii doaimmahit, dadjá sámediggeráđđi, Inger Eline Eriksen.

Eará stivrenmodeallat

Eriksen dadjá ahte livčče gal maiddái eará stivrenmodeallat maid sáhtášii árvvoštallat, ovdamearkka dihte ovdagottemodealla, man sáhttá gohčodit eanetlohkomodeallan.

  • Guldal Inger Eline Eriksen čilgemin manin son dáhttu rievdadusa:
    Inger Eline Eriksen árvvoštallá eará stivrenmálle Sámedikkis

Dat modealla mearkkaša ahte Sámedikki eanetlohku dat vállje Sámediggeráđi, ja mearkkaša maiddái ahte eanet bellodagat besset mielde Sámediggeráđđái ja Sámedikki stivrejupmái, dadjá Inger Eline Eriksen.

Positiivva parlamentarismma

Inger Eline Eriksen geassá ovdan positiivva parlamentarismma, nugo Duiskkas. Jus dákkár stivrenvuogádat livččii Sámedikkis, de dat mearkkašivččii ahte Sámediggeráđi duogábealde galgá leat stuorra eanetlohku, dadjá Eriksen.