Solju-joavku vuittii musihkabálkkašumi

Ulla Pirttijärvi and Hildá Länsman – eadni ja nieida – geat leaba Solju nammasaš musihkkajoavkkus, faskiiba «The Indigenous Music Awards»-bálkkašumi.

Solju, Ulla Pirttijärvi-Länsman og Hildá Länsman

BÁLKKAŠUPMI: Ulla Pirttijärvi-Länsman (gurut) Hildá Länsman illudeaba vuot. Bearjadaga vuittiiba fas bálkkašumi. Dát lea govviduvvon eará oktavuođas.

Foto: Vesa Toppari / Yle Sápmi

– Olu giitu buohkaide, čálliba soai joavkku Facebook-siidus.

– Lea erenomáš gudni leat vuosttas sápmelaččat geat vuitet dán, joatkiba.

«The Indigenous Music Awards» lea eamiálbmogiid festivála man ulbmil lea gudnijahttit earet eará dáidaga, kultuvrra ja musihka.

Soljju «Ođđa áigodat» válljejuvvui buoremus skierrun riikkaidgaskasaš dásis 2019is. Festivála lágiduvvui Canada gávpogis Winnipegas miessemánu 17. beaivve.

Dán gilvvus besse dušše musihkkárat jienastit.