NRK Meny

Soitet máksit ruđa ruovttoluotta

Deanu gielda áiggošii gáibidit ahte Diddi ja Giellavealgu sámemánáidgárddit mákset ruovttoluotta oktiibuot 1,4 miljovnna kruvnno gildii. Gielda lea golmma jagis addán menddo olu ruhtadoarjaga mánáidgárddiide, muhto boasttuvuođa ii fuobmán gielda ovdalgo dán jagi. Diddi mánáidgárddi jođiheaddji, Lemet Niillas Helander (govas), ballá gáibádus garrasit čuohcá Deanu sámemánáid mánáidgárdefálaldahkii. Odne meannuda Deanu gieldda bajáššaddanlávdegoddi ášši.