Soitet guokte sierra lága fylkkas

Dat ahte Tromsa ja Finnmárku ovttastahttojuvvojit, ii galgga váikkuhit Meahccelága viiddideapmái dálá Tromssa fylkii. Nu oaivvilda Meahccegielddaid ovttastusa advokáhta, Caroline Lund. Ovttastus háliida ahte meahccelahka galggašii doaibmagoahtit maiddái Davvi-Norggas, earretgo Finnmárkkus. Láhka regulere meahcce- ja čázádatvuoigatvuođaid, nu go Finnmárkoláhka dahká juo Finnmárkkus.