Soitet fertet sirdit rádjeáiddi

Oassi dan ođđa riikarájiáiddis mii lea Storskogas,sáhttá leat huksejuvvon moadde centimehtera beare láhkka Ruošša. Dat mearkkaša ahte measta 50 mehtera áiddis ferte sirdojuvvot. Norgga rádjeovddasteaddji fuobmái dán hástalusa bearjadaga, dieđiha The Independent Barents Observer áviisa. Justiisadepartemeanta oaivvilda ahte leat geargan bargguin ja ahte áidi ja uksa leaba sajis gaskamuttus golggotmánu.

Korte nyheter

  • Máhcahit goavdása sápmái

    Dánmárkku kulturministtar lea mearridan máhcahit sápmái ja Kárášjoga Sámiid Vuorká Dávviriidda 300 jagi boares goavdása, maid dánskalaš eiseválddit 1600-logus dolvo Københámmanii. Dan čállá VG áviisa. Sámi álbmot lea guhká gáibidan ahte sirdet goavdása oamasteami sámiide. Dánskka kulturministtar dadjá ahte lea lunddolaš ahte goavddis lea dan museas, gos das lea historjjálaš gullevašvuohta ja gos dan leat čájehan máŋga jagi.

    Anders Poulsen
    Foto: Majia Holm Balto
  • Eai leat doarvái mánáidgárdebargit

    Váhnen Lone Márjá Gaup Henriksen ii leat duđavaš go Loabága sámi mánáidgárddis Mátta-Romssas eai leat doarvái sámegielat mánáidgárdebargit. Loabága gielddadirektevra mieđiha ahte dálá fálaldat ii leat doarvái buorre. Gielddadirektevra lohká dál iežaset áigut váldit oktavuođa muhtin olbmuiguin jus de gávnnašedje bargiid mánáidgárdái. Geahča olles video dá.

    Váhnen Lone Márjá Gaup Henriksen ii leat duđavaš go Loabága sámi mánáidgárddis Máttá-Romssas eai leat doarvái sámegiel-mánáidgárde bargit. Loabága gielddadirektevra mieđiha ahte otná fálaldat ii doarvái buorre ja áigu ohccát sámegielat bargit.
  • Balaha ahte jođiheaddji lea sivalaš go bargit heitet

    Ester Fjellheim balaha ahte Sámi Klinihka jođiheaddji Amund Peder Teigmo lea sivalaš dasa go muhtin bargit heitet klinihkas.

    Fjellheim lea Davvi Dearvvašvuođa guovllu geavaheddjiidlávdegoddi lahttu. Geriatriijajoavku lea čilgen manne heaitá, dadjá son.

    Teigmo vástida čálalaččat NRK:i ja atná váivin go dien lágan dieđut juhkkojit.

    Su hoavda, Finnmárkku buohcciviesu hálddahusdirektevra, Siri Tau Ursin ii háliit digaštallat iežas jođiheddjiid medias. – Mus lea ollislaš luohttámuš Sámi Klinihka jođiheaddjái, ja munnos lea buorre gulahallan, dadjá son.

    Sámi Klinihkka, Karasjok
    Foto: Mariam Eltervåg Cissé / NRK