Hopp til innhold

Soarvvis oažžu jeđđehusa

Máinnas sáhttá doalvut jurddamáilbmái ja addá maid jeđđehusa. Guoládaga dološ máidnasis gullá mo soarvi sáhttá jeđđet morrašis.

Valentina Sovkina ivdnengovva

Dán govas oaidnit mo Valentina Sovkina lea sárgun gova mas čájeha soarvvi mas oažžu jeđđehusa

Foto: Anne Olli

Sihke skuvllamánát ja ollesolbmot besse gullat Svetlana Zaborščikova máinnasgirjjis "Sandra-áhkku" go Davvi Girji almmustahtii girjji Sámi Girjjálašvuođaguovddážis Kárášjogas. Girječálli muitala iežas čállán dán girjji áhkkus muitun, ja ahte dát Sandra áhkku máidnasis lea su iežas áhkku. Davvi Girji dat lea deaddilahttán girjji, Norgga Sámediggi lea ges ruhtadan dan.

Skuvllamánát gullamin Sandra-áhkku girjjis

Kárášjoga mánáidskuvlla mánát guldaledje hui dárkilit go Davvi Girjji Seija Guttorm muitalii Sándra-áhkku máidnasa

Foto: Anne Olli

Gielddasámegillii lea mávssolaš almmustahttit girjjiid

Davvi Girjji Seija Guttorm ii loga nu ollugiid lohkat gielddasámegiela, danne lea vuogas go almmustuvvet girjjit maiddái gielddasámegillii. Girjji namma lea «Sandra-áhkku» ja girjji lea Nina Afanasjeva jorgalan gielddasámegillii. Davvisámegillii lea Leif Rantala dan jorgalan, ja govaid lea ges Valentina Sovkina sárgun. Girječálli Svetlana Zaborščikova lea ovdal leamaš oahpaheaddjin GuoládagtnjárggasValentina Sovkina gii lea sárgun govaid girjái, muitala girječálli leat iežas oarbmeallin.

Ná gullui álgodimmus go skuvllamánát ledje girjealmmuheamis:

Dán áššis álggus lohká girječálli veahá gielddasámegillii:

Laila Somby Sandvik gávttiin ja Egil Utsi govvideamen

Ollesolbmot girjealmmuheamis. Laila Somby Sandvik gávttiin ja Egil Utsi govvideamen. Soai lohkaba máidnasa leat erenoamášin.

Foto: Anne Olli

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.