Reaššeageaži eanarihttu vaikkuha Ann Merete Siri Fyhn bearrašii, go isit bargá maid Ráissas ja mánát vázzet skuvlla Ráissas.
Soaitá gávdnot čoavddus
Odne iđit ii beassan Ann Merete Siri Fyhn dollet bargui Ráisii go E6 luodda lei giddejuvvon Reaššegeažis. Siri Fyhn bargá dearvvašvuođadivssarin Sonjatur dearvvašvuođa guovddážis. Ihttin ii dieđe vuos mo galgá ollet bargui, soaitá šaddat čuoigat vári badjel.
-Gulán maid ahte suohkan lea iskkamin vejolašvuođa bidját fanassáhtu dáppe Oksfjordii, dadjá Siri Fyhn. Eará čoavddus lea maid ahte son bargá ruovttudivššarin Guohcanuoris ja mánát ges vázzet skuvllas dáppe mii lea giddejuvvon.
Olles bearáš Ráissas beaivet
Ann Merete Siri Fyhn bearáš leat buohkat Ráissas beaivet. Isit bargá Ráissas ja sudno guokte máná vázziba skuvlla Ráissas. Heahtečoavddus sáhttá leat vuodjit biillain Suomabeale Ráisii, lagábui 70 miilla, ja orrut Ráissas olles vahkku. Go lea eahpesihkkár goas Stáhta geaidnobálvalus gárve dan ođđa luotta maid leat dál huksemin Reaššegeažis.
Gula Ann Merete Siri Fyhn: