Kárášjoga ođđa sátnejođiheaddji šaddá Bargiidbellodaga, Ánddá Niillasa Svein (Svein Atle Somby) ja várresátnejođiheaddjin ges Waldemar Jovnna, (John Nystad).
Bellodagaid ovttasbargošiehtadusas lea dát njeallje bellodaga soahpan ovddidit Kárášjoga gieldda fátmasteaddji gieldan, gos lea buorre orrut ja bajásšaddat.
Bellodagat celket maid ahte sámegiella, kultuvra ja boazodoallu leat dehálaš vuoruhansuorggit dán válgaáigodagas.
Sámegiella ja kultuvra galgá leat nanus ja ealli gieldda ovdánahttimis. Gielda galgá leat rabas dárogielagiidda ja eará gielagiidda, ja maiddái atnit árvvus eará kultuvrraid.
Bellodagat áigot ovddidit máŋggakultuvrralaš birrasa, seammás go Kárášjohka lea lunddolaš guovddážin sámi ásahusaid dáfus