NRK Meny
Normal

Soahtehávit dáide spiiddistan

Nuppimáilmme soađi maŋŋá eai hállán maidige soahtevásáhusaideaset birri. Danne eai čállánge das maidige, árvaladda girječálli Arvid Petterson, gii dál čállá soađi áigge dáhpáhusain Davvi Norggas.

Arvid Petterson
Foto: Anne Olli

Arvid Petterson lea čállán olu girjjid ja ártihkkaliid, son lea Lávttejogas Porsánggus eret. Nuorran oahpai son oahpaheaddjin, ja lea maid bargan sihke oahpaheaddjin ja rektorin skuvllas olggut Álttávuonas. Maŋŋelis logai historjjá gaska- ja váldofága dássái. Nu beroštišgođii son historjjás ja čálligođii das.

Mánnán ii gullan skuvllas maidige soahtehistorjjás

Iežas vuođđoskuvlla áiggis ii loga goassige gullan mii Finnmárkkus dahje Davvi Romssas dáhpáhuvai soađi áigge. Eai skuvllas hállan das maidige vaikke su oahpaheaddji lei ieš soahtan 50 beaivvi Narviika soađis.. Oahpaheaddji baicce luoikkai sidjiide girjjiid nugo "Gutta på skauen" ja Max Manus", ii sátnegežiinge muitalan maid ieš lei vásihan soađis.

Soahtehávit dáide spiiddistan

Vásáhusat dáide spiiddistan, ja danne eai nagadan dain hállat. Su oahpaheaddjis livčče lean olu dieđut Narviika-saođis, muhto ii muitalan das maidige. Soahtehávit dáide spiiddistan, dan navdá girječálli Arvid Petterson.

Golle ollu jagit ovdalgo olbmot hállagohte soađi áigge birra, ja de gávnnahii Petterson buoremussan čálligoahtit soađi áigge historjjás. Son lea čállán dáid girjjiid dárogillii. "Altafjordes hulefolk 1944-45" almmustuvai 1981, "Finnmark i krig" 1984, "Fortiet fortid, Tragedien Norge aldri forsto"almmustuvai 2008. Son lea maid leamaš mielde čállimin girjji "Alta bataljonens histore 1998 - 1995", ovttas S. Ramberg ja T. Andersenain.

Dál lea Arvid Petterson čállimin Porsáŋggu soahte-áigge historjjás. Girjji čállá son jearahallamiid vuođul. Dán girjjis lea sáhka dušše das mii Porsánggus dáhpáhuvai 1940 - 1945 rádjai.

"Fortiet fortid, Tragedien Norge aldri forsto" das dat muitališgoahtá jearahallamis: