Skuvla bulii gutnan

Sullii 50 olbmo ledje idjadeamen skuvllas ja buohkat besse heakkas.

Skuvlla olggobeal buollái biila ja das leavai ge buollin skuvlii.

– Sii eai dieđe vel manne biila buollái ja sii áigot dieđusge ain dutkat ášši, lohká doaibmi buollinčáskadanhoavda Eanodaga, Muonà ja Kolari gielddain, Pekka Väliheikki.

Ivgubađas bohte veahkkin

Eanodaga buollinčáskadeaddjit bohte báikái ovttain buollinčáskadanbiillain.

Mealgat maŋŋá maid ollejedje buollinčáskadeaddjit Ivgubađas Norggas ja gránnjágielddas Muonios, muhto ii lean vejolaš čáskadit buollima go skuvlla bulii nu johtilit.

Oaggungilvu

Gilbbesjàvrris leat dáid basiid stuorát oaggungilvvut ja skuvllas ledje ge orrumin gilvvuid oasálastit.

Lágideaddjit diđihit ahte oaggungilvvut dattet ge čađahuvvojit go juo nu ollugat leat boahtan guhkkin gilvvuide.

Sii geat galge idjadit skuvllas leat álgovuorus sirdojuvvon muhtin boradanbáikái Gilbbesjávrris.