NRK Meny

Skottlánda EU-lahttun

Skottalaš Nationálistabellodat SNP oaivvilda ahte Skottlánda berrešii beassat iežas ovddastit Eurohpá Uniovnnas ja eará riikkaidgaskasaš oktavuođain. SNP mielas dát livččii mielde addimin smávit našuvnnaide váikkuhanfámu máilmmis, čállá The Scotsman. Ikte válddii Latvia, mas leat guokte miljovnna olbmo, badjelasas EU jođiheami. Skottlánddas leat vihtta miljovnna ássi. Čakčamánus mannan jagi jienastii skottalaš eanetlohku vuostá iehčanasvuođa Skottlándii.