Skohter akšuvdna

Deanus leat álggahan akšuvnna bisuhit skohtermáđiid

Arild Pettersen
Foto: Nils Henrik Måsø / NRK

- Divtte min doalahit skohtermáđiid. Dat čuožžu čállon koarttas maid deatnolaš Arild Pettersen ávžžuha finnmárkolaččaid sáddet stáhtaministtarii Jens Stoltenbergii.

GULDAL:Arild Pettersen

Jens Stoltenbergii

Duogáš akšuvnnii lea Luondduhálddašan direkteroháhta ođđa mohtorjohtolat láhkaárvalus. Lága ulbmil lea earret eará loahpahit máđiid mat mannet jávriidde. Dát lea nu sakka hárdán Arild Pettersena, ahte mearridii sáddet koartta Jens Stoltenbergii. Das son ávžžuha stáhtaministara bisuhit máđiid.

Sms

Sms bokte son hástalii maiddái iežas skihpáriid dahkat dan seamma. Ja bovdii deaivvadeapmái Deanušaldis. Sii fas bovdejedje sin skihpáriid. Já fákkestaga lei akšuvdna viidon, ja go deaivvadedje de doppe ledje sullii 70 skohtera ja čuohttemađe olbmo.

Dáppe son ávžžuhiii buot finnmárkolaččaid sáddet koartta stáhtaministtarii.

Bissehit

Akšuvnna ulbmil lea oažžut ráđđehusa bisuhit skohtermáđiid vai olbmot ain besset vuodjit skohteriin.

Arild Pettersen ii loga iežas gal leat eddon, muhto beahtahallan go finnmárkolaččat eai galgga beassat vuodjit skohteriiguin meahcis nu movt hálidit, seamma láhkai go máttlaččat besset vuodjit fatnasiiguin Oslovuonas.

Oanehaččat

  • Bargoeallinrihkolašvuođa vuostá

    Tromsa gielda áiggu bargagoahtit lobihis bargoeallinrihkolašvuođa vuostá. Ikte vuolláičálle sii ovttasbargošiehtadusa Skatt Nordain, mii rahpá ahte lobihisvuođat maid hálddahussuorgi fuomáša huksenprošeavttain sáhttá raporterejuvvot bargoaddái. Huksensuorgi lea vuoruhuvvon, ja dál fertejit buot fitnodagat vuolláičállit ahte sii addet bargoaddái vuoigatvuođaid geahččat dieđuid, maid jávohisvuođageatnegasvuohta suddje.

Laster Twitter-innhold

På forsiden av NRK Sápmi nå