NRK Meny

Skeŋkejit vuoittu valáštallamii

Guovdageainnu nissonat Liv Karin Klemetsen, Lovisa Mienna Sjøberg, Risten Turi Aleksandersen ja Karen Lovise Siri Stångberg ožžo duvle Finnmárkku filkkasuohkana johtolatsihkarvuođabálkkašumi 30 000 ruvnnu ja dáidaga. Sii ángirušše oažžut čuovgga Gárnetluohká vázzinbálgái. Dán bálkkašumi ruhtaskeaŋkka sii adde Ginalvári eaktodáhtolaš láhttovuoddjiide láhttomášiinna oastimii.