NRK Meny
Normal

Skeŋkeje vuoittu eaktodáhtolaš bargui

Guovdageainnu nissonat, geat vuite johtolatsihkarvuođa movttiidahttin bálkkšumi Finnmárkku fylkasuohkanis, skeŋkeje dán eaktodáhtolašvuođa bargui Guovdageainnus ikte.

Skeŋkeje bálkášumi eaktodáhtolašbargui

Njealje Guovdageainnu nissonolbmo skeŋkeje johtolatsihkkarvuođa bálkkašumi Ginalvári eaktodáhtolaš láhttovuddjiide Guovdageainnus. Dá guovttes dáin nissonolbmuin, Karen Lovise Siri Stångberg (gurut beal) ja Liv Karin Klemetsen (olgeš beal). Guovdageainnu valáštallansearvvi čuoiganlávdegotti jođiheaddji, Ole Einar Hætta, vuostáiválddii 30 000 ruvdnošas šeahka.

Foto: Johan Ánte Utsi / NRK-Sápmi

Finnmárkku fylkasuohkan geigii mannan mánu johtolatsihkkarvuođa mearkkašumi njealji Guovdageainnu nissonolbmui geat leat erenoamaš buori barggu doaimmahan lagasbirrasis.

Buoret láhttu Ginalvárrái

Finnmárkku fylkkasuohkan válljii gieskat Guovdageainnu nissonolbmuid Liv Karin Klemetsen, Lovisa Mienna Sjöberg, Risten Turi Aleksandersen ja Karen Lovise Siri Stångberg, geat áŋgirušše oažžut čuovgga vázzinbálgái Gártnetluohkkái. Dál sii skeŋkejit bálkkašumi, ruhtaskeaŋkka, 30 000 ruvnno, Ginalvári eaktodáhtolaš láhttovuddjiide Guovdageainnus.

Liv Karin Klemetsen lohká iluin skeŋket 30 000 ruvnno Ginalvári láhttomášiidnii. Lea somá addit ruđa viššalis olbmuide, geat gillejit eaktodáhtolaččat ordnet láhtuid. Guovdageainnu valáštallansearvvi čuoiganlávdegotti jođiheaddji, Ole Einar Hætta, iluin vuostáiválddii skeaŋkka. Hætta lohká dál viimmat sáhttit diŋgot mášiinna maid sáhttet goallostit skohterii, ja čuoigit besset dál buriid láhtuide illudit.