NRK Meny
Normal

Skåden girji bálkkašupmái?

Sigbjørn Skådena girji "Skuovvadeaddjiid gonagas" lea árvaluvvon Davviriikkaidráđi girjjálašvuođabálkkašupmái.

Sigbjørn Skåden
Foto: Daniel Raitio

Njukčamánus gullat fitne go Sigbjørn Skåden Davviriikkadráđi girjjálašvuođabálkkašumi vai ii. Son lea girjjiinnis "Skuovvadeaddji gonagas" árvaluvvon bálkkašupmái. Skåden lea Skániin eret, ja girjjiinnis geahččala son ovddidit eatnigielas, mii lea skániinsuopman. 

Ruoŧa tv ođasbargi Anna Karin Nia muitala áššistis ahte girječálli Derek Walcott dat lea movttiidahttán Sigbjørn Skådena čállit. Skåden liiko Walcott čállinmállái, ja su diktagirjjis "Skuovvadeaddjiid gonagas" boahtá dat ovdan.

Erenoamáš dáinna girjjiin lea ahte lea čállon skánisuopmanii. Guovllus leat moadde čuodis geat ain hállet dán suopmana. Suopman sulastahttá boares Čohkkiraš-suopmana man ovddeš áigge hálle. Girjjis "Skuovvadeaddjiiid gonagas" čuovvut nuorra bartni go ohcá ráhkisvuođa.

Davviriikkalašráđi bálkašupmi lea geigejuvvon jahkásaččat 1962 rájes. Dušše okta sápmelaš dán lea bálkašumi ožžon dássážii, go 1991:s oaččui Áillohaš-rohkki dan. Njukčamánus čielgá ge ahte šaddá go Skåden nubbi sápmelaš gii oažžu dán bálkkašumi.