Siviilahelikopteriiguin fievrridit

Suodjalus áigu dál iskat mo doaibmá siviilahelikopteriiguin fievrridit hávváduvvan soalddáhiid ja doalvut gálvvuid. Joint Viking soahtehárjehállamiid oktavuođas de galget dán ihtin geahččalit Álttá girdihápmanis. Dál leat árvvoštallamin mo sáhtášedje ovttasbarggu olis geavahit norgga áhpeoljodoaimmaid helikopteriid heahtedilis ja dalle jus buollá soahti.

Korte nyheter

  • Ráhkkanit máŋga miljon koronanjoammumiidda

    Boahttevaš mánuid sáhttá Norggas máŋga miljon olbmui njoammut nuppástuvvan koronavirus omikron, nu čállá álbmotdearvvašvuođainstituhta maŋemuš riskaárvvoštallamis. Instituhtta ávžžuha liikká korona gáržžidusaid ložžegoahtit vehážiid mielde go omikronvirusii eai leat olbmot buohccán nu duođalaččat, olu leat olbmot jo boahkuhuvvon ja muhtin njoammuneastadandoaibmabijuin ii leat ávki go omikron leavvá nu jođánit, dadjá álbmotdearvvašvuođainstituhta direktevra Camilla Stoltenberg.
    Eanemusat njoammumiid jáhkket leat guovvamánu loahpas ja njukčamánu álggus.
    Buohcciviesut fertejit ráhkkanit dasa ahte juohke beaivvi leat gaskal 25 ja 300 ođđa korona buohcci geat dárbbašit divššu buohcceviesus.

    Koronavirus
    Illustrasjon: CDC
  • Riektevuogádat boahtá lagabui olbmuid

    Norgga ráđđehus lea ikte sádden gulaskuddamii evttohusa máhcahit iehčanas diggegottiid olles riikkas. Váile jahki áigi Erna Solberg ráđđehus geahpedii diggegottiid meari 60 diggegottis 23 diggegoddái. Romssa universitehta riektediehtagadieđagotti vuosttašamanueansa Ánde Somby dadjá dán buktit riektevuogádaga lagabui olbmuid fas

    Indre-Finnmark tingrett, Tana bru
    Foto: Eilif Aslaksen / NRK
  • Doarjja sámi bátnedearvvašvuođa filbmii

    Sámediggeráđđi lea juolludan 134 000 ruvnno doarjaga Romssa ja Finnmárkku fylkkasuohkanii, Málatvuomi bátnedivššohahkii. Sii áigot ráhkadit sámegielat diehtojuohkinfilmma bátnedivššu birra sámi mánáide.
    – Sámedikki mielas lea buorre go Romssa ja Finnmárkku fylkkasuohkan, Málatvuomi bátnedivššohaga bokte oidnet dárbbu buvttadit sámegielat diehtojuohkinmateriálaid, ja go váldet badjelasaset barggu buvttadit sámegielat filmma mii lea heivehuvvon mánáide ja nuoraide, lohká sámediggeráđđi Runar Myrnes Balto

    karius og Baktus
    Foto: Vegard Eggen