NRK Meny
Normal

Sijhtieh ov-juvride vaarjelidh

Laedtieh Nøørjesne sijhtieh ov-juvride buerebe- laakan vaarjelidh.

Bjørn

Bierne akte dejstie kreekijste maam jijnjh almetjh Nøørjesne sijhtieh vaarjelidh.

Foto: Kjartan Trana / NRK

Jijnjh laedtieh Nøørjesne sijhtieh ov-juvride vaarjelidh. Daam dihte goerehtalleme vuesehte, maam dihte plaerie Nationen dorjeme.

Daate goerehtalleme vuesehte dah laedtieh sijhtieh ov-juvre vaarjelimmem nænnoestidh. 34 prosent sijhtieh ov-juvride buerebe-laakan vaarjelidh. Seamma gyhtjelassh, jaepeste jaapan gihtjehtamme, jaepien 2009 raajeste. Daan jaepien joekoen jijnjesh gyhtjelasside vaestiedamme jih sijhtieh ov-juvre vaarjelimmiem utnedh.

–Daate lea daan beajjetje, siebredahke øøvtiedimmie.

Dihte dotkije Ketil Skogen, Norsk institutt for naturforskning jeahta, gåessie goerehtamme guktie almetjh ov- juvre bijre ussjedieh. Daate vuesehte guktie dihte siebredahke evtiedimmie daelie vååjnoe.

– Eah dah almetjh åehpies laanteburrie jielemene, båantah gujmie, jih dah mah destie eatnemistie jieleminie, vaenebh sjidtieh jih dellie dah jeatja laedtieh tuhtjieh dah ov-juvrh eatnemissnie tjaakenieh.

Vaenebe ov-juvre maaksoe

Byjresedirektovraate bievnede, vaenebe ov-juvre maaksoem sirvebåantide maakseme, Dah minngemes jaepieh 40 prosente vaenebe ov-juvre maaksoe sjidteme daan åvteste vaenebe sirven barhvh gaavneme.