NRK Meny
Normal

Sii leat guoimmuhan boarrásiid

Dál leat vuorrasat olbmot máŋgga sajis Sis Finnmárkkus, Unjárggas ja Ohcejogas vásihan Beaivváš Sámi Teáhtera "Luohte- ja fearánbottoža".

Luođit ja fearánat joavku
Foto: Beaivváš Sámi Teáhtera preassagovva

Beaivváš Sámi Teáhter lea mátkoštan "luohte ja fearán" bottožiin. Iŋgor Ánte Áilu Gaup lei ožžon mielde njeallje albmá, ja sii leat mátkoštan guovddáš sámi báikkin.

Boarrásiidda muitalan ja juoigan


Áilloš dahje Iŋgor Ántte Áilu Gaup lohká, luđiid ja fearaniid leat olbmot beassan gullat juo mánnávuođa rájes, iešguđege sajiin.

Iežas muitala olbmuid gullan juoiggastallamin, ja dávjá gullui luohti headjadáluin, dahjego muhtimat ledje oaivvahuvván ja vázze viesuid mielde.

Ii son loga iežas bálljo gullan čielggosolbmuid goassige juoigamin.

Muhto áiggit leat rievdan ja juoigan lea gullogoahtán vaikke gos, go dál lea skuvlaoahpahusas luohti oahppofáddán. Ja ruovttuin maid leat lea gullogoahtan luohti. Nie son lohká Beaivváš Sámi Teáhtera neahttasiiddus.

Njealljis leat mátkoštan čájálmasain

Dáinna čájálmasain dahje luohte ja fearan bottuin, mii bistii sullii diimmu, mátkoštii kvarteahtta guovddáš sámi báikkiide Finnmárkkus. Dán joavkkus ledje dát mielde: gurutbealde, Iŋgor Ántte Áilu Gaup, Bojen Ántte, Ivvár Niillas, Terje Joks Henriksen.

Luođit ja fearánat joavku

Luođit ja fearánat joavku

Foto: Beaivváš Sámi Teáhtera preassagovva