Árran gievrot duodjeprográmmav

Gidán biejaj Árran duodjebagádiddjev virggáj. Dav aktisattjat Divtasvuona ASVOjn ja duodjesiebrijn Duodje Nordlánnda. Tjuodtjelij vahkojt máhtti de duodjára ávvusit gå dal seminára ja kursa ásaduvvi Árranin.

Lågå aj: Fikk duodjepris.

Lågå aj: Skal dokumentere lulesamisk duodje.

Gáptijn álggi

Gaskavahkko la álggo dán vuostasj duodjeseminárraj gånnå ságastallam ja bagádallam la gáppte birra. Gáppte mij álgos lij bæjválasj bivtas, valla aj bivtas mij aneduváj gilldegárvvon sierralagásj dahpádusájn. Uddni dal gáppte ienemusát gilldegárvvon aneduvvá.

Niellja kursa dal tjavtjan ja dálven ásaduvvi, ja juohkka kursan la sierra duodje-tiebmá. Åvddål gå kursa álggi la seminárasj dan tiemá birra.

Gaskavahkko l de seminárra mij de kursajn joarkká duorastak ja bierjjedak iehkeda, ja hæjtto l dal lávvodagá biejven

Lågådalle Jåhkåmåhkes

Kursalågådalle li dal Svieriga ja aj Vuona bieles.

– Dán vuostasj seminárraj/kurssaj boahtá Anna Stina Svakko Bårjjåsis Jåhkåmåhken Svieriga bieles, ja kursav de galggin aktan tjadádit, javllá Árrana duodjebagádalle Lilian Urheim.

Ja gatjálvissaj jus la vejulasj gáptijn ållit guovten biejven ja avtan iehkedin, de vásstet sån:

– Ij la de dárbbo gáptijn dán kursan ållit dajna gå, sidjij gesi l dárbbo, máhtti Árranin goarristit jus viehkev dárbahi, javllá Urheim.

Kurssa l navgu. Sámedigge ja Nordlánda fylkka libá rudájt dán duodjeprosjæktaj juollodam.