Sihkkot indiána-sáni leksikonas

Store norske leksikon(SNL) sihkku «indiána»-sáni, go sátni ii leat doarvái dárkil.

SNL rievdada sáni amerihká álgoálbmogin, go sii eai hálit juohkit dán boastu ipmárdusa dobbelebbui.

– Leksikona galgá leat dárkil ja álki ipmirdit dálá olbmuide, nu čilge hoavdaredaktevra Erik Bolstad Store Norske Leksikonas.

– Lea dehálaš čorget giellageavaheami mii vealaha nuppi álbmoga, dadjá ges religiovdnahistorihkar Lars Kirkhusmo Pharo Dag og Tid-aviisii, mii vuohččan čálii dán ášši birra.