NRK Meny
Normal

Signe Marie Fidje Store ii ceavzán OG-gilvvuin

Signe Marie Fidje Store ii ceavzán OG-heaibungilvvuin Rio de Janeiros Brasilas. Son heaibbui Ruoŧa Jenny Fransson vuostá, gii vuittii gávccádasfinála heaibuma 9-0. Fidje Store bávččagahtii oalggi, mii dagahii ahte su heaibun ii šaddan nu movt buohkat ledje vuordán

Signe Marie Fidje Store

Sámi heaibu, Signe Marie Fidje Store, ii birgen OG-gilvvuin Rio de Janeiros go heaibbui Ruoŧa nieidda vuostá.

Foto: Henrik Myhr Nielsen / NRK

Sámi nieida Signe Marie Fidje Store lea Deanus eret Nuorta-Finnmárkkus, riegádan jagi 1995:s. Son šattai historjjálažžan, go son lea vuosttaš nissonolmmoš gii Norgga riikkajoavkku ovddas lea beassan OG-gilvvuide. Dasa lassin lea son vuosttaš sámi nieida gii beasai oassálastit OG-gilvvuin, dadjá Deanu heaibunsearvvi miellahttu ja searvvi ovddeš jođiheaddji Rita Boine.

  • GULADL SU VÁSTIDEAMES DÁS:

Garra vuostálasti

Gávccádasfinálas Signe Marie Fidje Store heaibbui Jenny Fransson, vuostá, man Fransson loahpas vuitii- 9-0. Fransson lea riegádan 1987:s Karlstad gávpogis Ruoŧas. Fransson lei ovdagihtii juo einnostuvvon vuoitin, ja sus lea guhkit hárjáneapmi go Fidje Stores.

Surgat oaidnit Fidje Store bákčasiid

Signe Marie Fidje Store.

Signe Marie Fidje Stores ledje garra bákčasat oalggis go Ruoŧa heainu Jenny Fransson unohasat dollestii su gieđa

Foto: Bilde med tillatelse fra TV 2

Deanu heaibunsearvvi ovddeš jođiheaddji, ja miellahttu Rita Boine illá nagodii hupmat das maŋŋil go čielggai ahte Signe Marie Fidje Store ii ceavzán. Vaikko Signe Marie vuoittáhalai OG-gilvvuid gávccádasfinálas, de ii leat dattege daddjon ahte su vejolašvuođat dán jagi OG-heaibungilvvuin leat nohkan.

Sáhttá beassat joatkit

Jus Fransson ceavzá viidáset OG-gilvvuin, de sáhttá Signe Marie Fidje Store maiddái beassat heaibut viidáset. Muhto dál vuos eai dieđe man bahuid son lea bávččagahttán oalggi. Maŋŋelis mii oažžut gullat beasságo ja nagodago Signe Marie Fidje Store joatkit heaibumis dán jagi OG-gilvvuin Rio de Janeiros Brasilas.

Bearáš TV-guoras

Emmy Store

Signe Marie Fidje Store áhkku, Emmy Store, bearráša mánát ja heaibunjoavkku miellahtut

Foto: Piera Balto / NRK

Vaikko Signe Marie bearáš ja áhkku, Emmy Store, oktan heaibunsearvvi miellahttuiguin ledje čoahkkanan TV gurrii oainit OG-gilvvuin hšeaibungilvvuid, de ii mannan nu go ledje vuordán ja doivon.

  • Bearaš TV-guoras Deanus:
    Deanu heaibuid ovddasteaddjit ja bearaš