Hopp til innhold

Korte nyheter

  • Oččodeamen toga Nordlánddas Finnmárkui

    Romssas lea ásahuvvon Jernbane Nord AS fitnodat mii áigu oččodit ođđa ruovdemáđiia Fuoskkus Nordlánddas Finnmárkui. Ovdal geasi áigot jo virgádit unnimustá golbma ruovdemđii-áššedovdi, geat ovttas báikkálaš ja guovllu eiseválddiiguin galget bargat vai jođáneamos lági mielde beasašedje huksegoahtit ruovdemáđiia Fuoskkus Finnmárkui, čállá Klassekampen. Áigumuššan lea oažžut álggahandoarjaga 2025 Nášunála johtolatplánas.

    Davvi-Norggas ruovdemáđii ovdánahttin ja huksen lea 60 jagi bisson seamma dásis go fas ruoŧŧelaččat leat huksen 400 kilomehtera ođđa ruovdemáđiia Davvi-Ruŧŧii, cuiggoda Jernbane Nord AS stivrra nubbijođiheaddji, Terje Traavik. Son sávvá maid oažžut doarjaga dása NATO:s ja EU:s.

    Togstopp på Fauske
    Foto: Ronald Jacobsen
  • Somby: – Gieldit luossabivddu 7 jahkái

    Kárášjoga sátnejođiheaddji, Svein Atle Somby, oaivvilda ahte luossabivddu Deanu čázádagas galggašii gieldit 7 jahkái jus luosa galggaš gádjut. Dán lohká dasa go Norgga Dálkkádat- ja birasdepartemeanta ja Suopma leat mearridan dán geassái maid gieldit luossabivddu Deanu čázádagas, nu go diibmá. Norgga luonddudutkaninstituhta dutki, Morten Falkegård, dadjá sátnejođiheaddjis leat jierpmálaš jurdda go Deanu čázádagas lea dál menddo unnán luossa.

    Svein Atle Somby
    Foto: Mariam Eltervåg Cissé / NRK
  • Mánájgárggán nálsoduváj

    Magnus (5) lij nasjonalbæjvváj ávvudallam, ja iesj mierredij majt sån galgaj tjágŋat ja makkir slávggá sån galgaj adnet. Gápptáj lij tjágŋam ja sámeslávgáv maŋen mánájgárggán Bådåddjon váttsátjit – valla ávvudallam ittjij nav hávsske sjatta. Mánájgárggán nálsoduváj, iednes Hege Annie Nordlund Hagena milta.

    – Harmmadit moarádav ja hæsoduváv, javllá Hagen.