Almmuhii cd Johkamohke márkaniin
Johkamohke márkaniin álmmustahtii son iežas vuosttaš skearru, "Viervái". Das leat 11 šuoŋa. Namma "viervái" vulgii das go Anja lea bajasšaddan váriid ja meara gaskkas ja lahka fiervvá.
Vuittii ja jávkkai
1998 ja 1999 vuittii Anja Sámi Grand Prix lávlungilvvus. Dalle lei su goargu Westerheim. Ja de son jávkkai. Ii su birra gullon olus mihkke, muhto lávlun gal ain lei mielas. Luvlájis lei váttis gávdnat čuojaheddjiid geat gillejit bargat sámi musihkain. Muhtun jagiid lei sus prošeakta jođus, Skáddjil, muhto dat loahpahuvai 2007s.
Danne golle ge vel muhtun jagit ovdal go šattai gearggus bargagoahtit cd-almmuheami guvlui. Mokta ii lean das, muitala Anja.
Son lea ovttasbargan Bernt Mikkel Haglundain ja iežas ednuin muhtun teavsttaiguin. Muhto musihka gal lea ieš ráhkadan.