Hopp til innhold

SGP-artista: – Mus ii leat jáhkku ahte Sámi Grand Prix-CD oba boahtáge

SGP-artista Jovsset Biera Buljo lea beahtahallan ja jáhkká iežas manahan sihke ruđa ja čuojahanbargguid go CD ii almmuhuvvo. Sámi musihkkafestivála bealis šállošit. Sii jáhkket beassážiidda beassat almmuhit CD.

Josef Per Buljo

Fargga lea gollan guokte jagi dan rájes go Jovsset Biera Buljo lei mielde Sámi Grand Prix lávlunoasis ja bođii nuppi sadjái.

Foto: Oddbjørg Hætta Sara / NRK

Sámi Grand Prix 2014 ja 2015 jagiid duppal-CD ii leat velge almmuhuvvon, vaikko Sámi musihkkafestivála bealis lohpidedje ahte dat galgá almmuhuvvat guovvamánus . Jovsset Biera Buljo lea beahtahallan, go fargga lea gollan guokte jagi dan rájes go son lei mielde Sámi Grand Prixas.

– Manahan ruđa ja čuojahanbargguid

– Diet ášši gal oro sin bealis biddjon eret. In jáhke ahte oba šaddáge CD. Ii leat gal nu somá go ii boađe CD. Mun livččen sáhttán dinet go čuojahit mu lávlaga radios, ja gánske livččen beassat eanet konsearttaid doallat ja festiválaide beassat mielde. CD han lea dego rekláma. Jáhkán ahte lean olu massán go ii leat almmuhuvvon.

Son lei 19-jahkásaš go lei mielde SGP:s. Su lávlla ii leatge gullon radios vel go CD ii leat almmuhuvvon.

– Dalle lei jurdda ahte in beroš vuoittángo vai ii, go beare CD:s beasan leat mielde, lohká Buljo.

Nils Johan Vars

Sámi musihkkafestivála buvttadeaddji Nils Johan Vars

Foto: Åse Pulk/NRK

– Mu sivva

Sámi musihkkafestivála buvttadeaddji Nils Johan Vars muitala ahte CD ja olggožat leat gárvásit deaddiluvvon, muhto de lea geavvan juoga mii dahká ahte eai sáhte vuovdigoahtit daid.

– Dat lea njulgestaga mu sivva, go dan mun livččen galgan diehtit, lohká Vars.

Go CD ráhkada, de galgá dieđihuvvot Nordisk Copyrightbyråai (NCB). Dasa dárbbašuvvojit rievttes báhpirat CD-oasseváldiin ja sis geain leat vuoigatvuođat šuoŋaide ja teavsttaide.

– Sii eai leat vuolláičállán dakkár báhpira mii addá midjiide rievtti dieđihit daid dohko.

Sávvá beassážiidda beassat almmuhit

Dat mearkkaša ahte dakkaviđe go son oažžu vuolláičállagiid ja beassá dieđihit daid NCB:ii, de lea sus lohpi vuovdit skearruid.

– Ipmirdatgo ahte oasseváldit vuollánit go ná guhkes áigi lea mannan?

– Dan gal ipmirdan áibbas bures, ii sáhte leat nu ahte máŋga jagi maŋŋil easka almmuhuvvojit CDat, lohká Vars, gii šálloša go lea mannan nu guhkes áigi.

– Vaikko leat olu eará sivat maid go ná lea šaddan, de lea dat goitge mu ovddasvástádus gii lean galgan CD gárvet ja almmuhit.

Vars sávvá skearru beassat almmuhit beassážiidda.

Korte nyheter

  • Ođđa hárjehallanguovddážin háliida nannet ássanmovtta Kárášjogas

    Les på norsk:

    Sámediggi lea juolludan bealle miljovnna ruvnno Delta Iform hárjehallanguovddážii.

    Delta Iform áigu sirdit ja ođasmahttit guovddáža ja sávvet ahte dat sáhttá dagahit ahte olbmot bissot Kárášjogas.

    Guovddáža beaivválaš jođiheaddji, Jørgen Johnsen lea hui duđavaš doarjagiin.

    – Rámálmas ahte oaččuimet ná ollu, dadjá Jørgen Johnsen.

    Dán áigge leaba eamidiin ođasmahttimin hárjehallanguovddáža ođđa báikki, masa leat investeren čieža miljovnna ruvnno.

    Delta Iform rabai 2017:s ja dan rájes lea lokten valáštallanmovtta Kárášjogas. Dál leat sullii 280 miellahtut geat hárjehallet doppe.

    – Dán áiggis mii leat oaidnán mii dáppe váilo. Dál fertejit olbmot vuordit vuoru ja lea veahá unnán sadji. Kánske eai leat ge dat dávvirat maid olbmot háliidit, muitala son.

    Sámedikki doarjagiin áigot oastit ođđa hárjehallandávviriid, maid dadjá leat divrrasin.

    Johnsen ii loga doaimmahit hárjehallanguovddáža bálkká dihte, muhto go háliida nannet ássanmovtta Kárášjogas.

    Statistalaš guovddášdoaimmahat vuordá ahte Kárášjoga ássiidlohku boahtá njiedjat jagiid mielde. Dál orrot Kárášjogas 2550 olbmo, ja 2030:s vurdo leat njiedjan 2508 olbmui.

    – Hárjehallan han lea buorre buohkaide. Erenomážit dáppe Kárášjogas gos lea hui galmmas dálvet ja váttis joatkit hárjehallat. Dalle lea dá buorre fálaldat, dadjá Johnsen.

    Ii leat vel mearriduvvon goas rahpet ođđa hárjehallanguovddáža, muhto sávvamis dadjá geargat ovdal loahpageahčen 2024.

    Doarjut ealáhusdoaimmaid Sámis

    Sámediggepresideanta Silje Karine Muotka oaivvilda ahte doarjagat mat leat buorrin álbmotdearvvašvuhtii leat buori.

    – Mii buori mielain doarjut sámi ealáhusdoaimmaid prošeavttain mat maid leat buori álbmotdearvvašvuhtii. Go doarjut UML AS fitnodaga, de mii láhččit dasa ahte fitnodat sáhttá ovdánahttit, dadjá Silje Karine Muotka.

    UML AS lea fitnodat mii eaiggáda Delta Iform.

    Doarjja juolluduvvo doarjjaortnegis mii guoská máŋggabealálaš ealáhusaide. Okta ortnega vuoruhusain lea doarjut doaimmaid mat nannejit ealáhusaid main lea potensiála ovdánahttit, ja mat sáhttet leat mielde loktet ássiidlogu.

    Bilde av Jørgen Johnsen som står i lokaler som holder på å pusses opp.
    Foto: Privat
  • Sametingspresidenten minnes de berørte etter terroren den 22. juli

    – Det var politisk motivert terrorisme og et direkte angrep på AUF og AP, men det var også et angrep på demokratiet og ungdommen, skriver hun på Facebook.

    Hun skriver videre at noen ganger tenker hun på hvor modige de hun har møtt som var på Utøya den dagen er, og hvor stort ansvar de tar med å føre det politiske arbeidet videre.

    – Til alle oss andre: vi må huske å ta vare på hverandre - selv om vi kan være meningsmotstandere noen ganger, så er vi allierte de aller fleste dager i arbeidet med å skape den best mulige fremtiden for alle, skriver hun.

    Silje Karine Muotka har Sametinget bak seg
    Foto: Håkon Mudenia / NRK
  • Nesseby varmest i hele landet

    Loga sámegillii.

    Nesseby var varmest i hele landet mandag ettermiddag.

    Klokken 13:28 var det 30,7 grader i kommunen. Det viser Pent.no.

    – Så morsomt at det er varmest her, sier ordfører Berit Ranveig Nilssen til NRK.

    Det er likevel ikke bare positivt, mener hun.

    – Jeg er bekymret for multemyrene våre. Det var varmt i fjor også når det var multesesong og da ble alle bærene modne på én gang.

    Og det vil bare bli varmere utover dagen, sier vakthavende meteorolog Sevim Müller ved Meteorologisk institutt. Hun sier også at Finnmarkingene kan få tropenatt.

    Berit Ranveig Nilssen
    Foto: Eilif Aslaksen / NRK