NRK Meny
Normal

SGP-08 vuoiti finadii guossis

Elin Kåven gilvalii vuohččan Sámi Grand Prixas mannan beassážiid, ja vuittii vel daid gilvvuid. Geassemánu 6. beaivvi finadii ges Luo-Mus Máilmmis.

Elin Kåven
Foto: Mari A. Lorentsen

Gula go Elin Kåven lei studioguossi

Kárášjohkalaš Elin Kåven lea sihke lávlu, teakstačálli, šuokŋadahkki ja vel čoavjedánsejeaddji.

Elin Kåvena namma beaggigođii dalle go searvvai sámi idol-gilvui "Hei Lola", mii lágiduvvui 2004s. Dien gilvvus son ii vuoitán gal, muhto jotkkii bargat musihkain.

Elin Kåven lea almmuhan EP "Lahka" 2005s, ja lea dál bargame iežas vuosttaš olles CDain. Jáhkkimis gávdná maiddái su Sámi Grand Prix 2008 vuoitolávlaga "Áibbas jaska" dan cdas, mii galgá gárvánit čakčii.

Elin Kåven

Elin Kåven lávlu 'Áibbas jaska' SGP 2008

Foto: Dan Robert Larsen / NRK