NRK Meny
Normal

Nyjsenæjjah tjåanghkose velkiedieh

Seksualitete jih gieries-voete, akte aamhtese maam almetjh tuhtjieh geerve jih barkoes soptsestidh. Daate lea aamhtese, man bijre edtjieh daan aejkien «Villkvinne» tjåangkosne soptsestidh.

Margreth Olin

Margreth Olin lea filmebarkije mij seminarese båata. Sov orre filme lea Snåasen ålman Joralf Gjerstaden bijre.

Foto: Margreth Olin / pressbild

Daate lea gaaktsede aejkien daate «Villkvinne » tjåanghkoe sjædta. Dah golme minngemes jaepieh Musserisnie tjåangkanamme.

Bohkedh, gieries-voete –aajngenasse.

Tjoeveribie nyjsenæjjan jih ålman kråahpide vuavtasjidh. Dihte ïedtjije nyjsenæjja Hege Dalene Aarboerteste, jeahta.

Hege Dalen

Ïedtjije nyjsenæjja Aarboerteste, Hege Dalen mij daejtie Villkvinne tjåanghkojde øørnie.

Foto: David Kinsella

–Daate lea iemeles jih aehpies aamhtese. Mijjien jielemissnie gieres-voete. Nyjsenæjjide baersieldimmie jih suvhteme. Seksualitete jih jieleme faamoe seamma vihkeles faamoe gaajhkide, Dalene jeahta.

Russke nåejtie.

Daan jaepetje aamhtese, jijnjh ov-messie guessieh gåtjkoehtamme.

– Vihkeles mijjese Russlanten, aalkoalmetji gujmie laavenjostedh. Akte tjiehpiedæjja jih nåejtie Russlanteste Katarzyna Pastuszak båata jih aaj dihte noerhte saemien nåejtie Robert Vars-Gaup.

Mij datnem ïedtjeldehta jih dagkeres « Villkvinne» tjåanghkoem øørnedh?

–Lyjhkem jih jijnjh barkoe gujmie gïehtelidh. Tuhtjem aaj luste alkoalmetji gujmie barkedh jih aaj mænngan gaavnedidh. Åadtjoem jijnjh maehteles almetjh råakedh, dagkeres barkone, Dalene jeahta.

Mejtie jijnjh almetjh daan jaepien båetieh?

Daate lea dovres tjåanghkoe gusnie tjoara jijtje maeksedh. Jienebh son båateme jis liehtebe orreme. Tjijtjeluhkien almetjh jeahteme båetieh. Daate lea øøvre sjiehteles onne tjåanghkoe, Dalene jeahta.

Daate « Villkvinne» tjåanghkoe aalka golken 24.b. Musserisnie.