NRK Meny
Normal

Maŋimuš sápmelaš Grand Prix vuoitit

Ii leat gal áibba duohta ahte sápmelaččat eai leat searvan Melodi Grand Prix:ii moattelot jahkái. Johan Sara Jr. searvvai Ruoŧa Grand Prixii Roger Pontare mielde. Doppe manai sis hui bures. Soaitá Ann-Mari Andersen dál vuoitit europealaš loahppagilvvu.

Roger Pontare ja Johan Sara Jr.
Foto: Dan Robert Larsen / NRK

Gula Joha Sara jr.

Jagi 2000:s searvvai Johan Sara jr. Roger Pontare mielde juoigat su lávlagis "När vindarna viskar ditt navm". Ii Johan Sara jr. juoigan gal guhkes oasi, muhto son lei goit mielde. Pontare lea máŋgga jearahallamis sihke rádios, televišuvnnas ja áviissain deattuhan ahte son lea sámesogalaš.

Johan Sara jr.

Johan Sara jr. juoiga

Foto: Milla Dokka

Ieš dahkan koreografiija

Johan Sara Jr. hutkai ieš maid son galgá dahkat lávddis dalle, son ráhkadii alcces soappi ja dainna son de lihkadii lávddis dassáigo galggai juoigat bihttás.

Sii vuite ruoŧas, ja nu besse Eurovision Song Contest 2000 loahppagilvui, doppe ollejedje čihččet sadjái. Dát lea buoremus sadji maid sápmelaš ártisttat goassige leat olahan eurohpálaš loahppagilvvuin.

Pontare stuorámus

Roger Pontare lea eahpitkeahttá dat sápmelaš Melodi Grand Prix ártista gii buoremusat lea birgen gilvvuin.

Jagis 1994 son vuittii vuosttaš geardde Ruota Melodifestivalen (Melodi Grand Prix) gilvvuid lávlagiin "Stjärnorna", man son ja Marie Bergman lávlluiga ovttas. 1994 Eurovision Song Contest loahppagilvvuin lávlla bođii 13. sadjái.

Jagis 1999 Roger Pontare bođii viđádin Ruota Grand Prix gilvvuin lávlagiin "Som av is".

Sápmelaš Simmona Máhtte dahje Mattis Hætta ja romsalaš Sverre Kjeldsberg vuittiiga Norgga Melodi Grand Prix gilvvuid jagis 1980. Soai bođiiga 16. sadjái jagi 1980 Eurovision Song Contest gilvvuin.

Gula reportaša mii ráhkaduvvui jagi 2000 Eurovision Song Contest doaluid oktavuođas

Ann-Mari maid loahppagilvui

Ann-Mari Andersen

Ann-Mari Andersen

Foto: Ann Marita Eriksen / NRK

Johan Sara jr. árvvoštallá Ann-Mari Andersena lávlaga nu vuogasin ahte dáidá ollet vaikke vel vuoituige dáinna