NRK Meny

Searvá guovddášbellodahkii

Elisabeth Erke lea searvan guovddášbellodahkii maŋŋel go giđđat guđii bargiidbellodaga ja nu maid ámmáha Norgga sámedikki čoahkkinjođiheaddjin.

Dan čállá iFinnmark.no aviisa.

Erke lohká aviisii ahte son hálida ruovttoluotta suohkanpolitihkii ja lea gearggus doaimmaide masa su bidjet, maiddái sátnejođiheaddji doibmii, jus dasa hálidit su.

Ovdal go Erke válljejuvvui Sámediggái, de lei son Deanu várresátnejođiheaddjin, muhto guđii dan ámmáha go beasai Sámediggái diibmá ja nu maid válljejuvvui Sámedikki čoahkkinjođiheaddjin.

Son válljii guođđit Bargiidbellodaga go oaivvildii ahte leat bearehága gáidan sámepolithkas. Dál leatge guovddášbellodahas golbma áirasa Sámedikkis go Erke vel searvvai bellodahkii, čállá ifinnmark.no