Seakkit luodda Gáivuonas

Nuoražis, Gáivuonas lea seakkit luodda maŋŋel go luovvanii geađgeuđás ja fierái luotta radjái, dieđiha Geaidnojohttolatguovddáš.

Korte nyheter

  • Boavas gáibidit ándagassii atnuma

    Kanada álgoálbmotjođiheaddjit gáibidit ahte boava Frans átnu ándagassii katolalaš girku daguid ovddas go son boahtá Kanádas fitnat. -Ii leat doarvái, ahte boava dušše fitná Kanadas, muhto son ferte atnut ándagasssi ja buvttadit daid vahágiid ovttas maid girku lea dagahan, oaivvildit jođiheaddjit. Vatikána dieđihii gaskavahku, ahte boava Frans finašii mielas Kanádas, muhto ii dieđe vuos goas. Árabut dán jagi gávdnojedje badjel duhát merkekeahtes mánáhávddi Saskatchewanas ja Brihttalaš Kolumbias internáhtaskuvllaid lahka. Assimiliseren álggii Kanádas 1883:s ja badjel 154 000 máná rivvejuvvojedje ruovttuin ja dolvojuvvojedje dáidda internáhtaskuvllaide. 60 prosentta dáin internáhtaskuvllain gulle katolalaš girkui, nu čállá ctvnews ođasdoaimmahat.

    Cowessess First Nation minnestund
    Foto: APTN National News
  • Guolástusealáhusa metoo-doaimmat

    Norgga guolásteaddjiidsearvi evttoha oktasaš vuogádaga gosa dieđihit seksuála muosehuhttimiid. Ikte čoahkkinasttii guolástanealáhus guolástanministariin dán áššis mii daddjojuvvo leat guolástusealáhusa metoo. Searvvi jođiheaddji Kjell Ingebritgtsen dadjá, ahte dán dieđihanvuogádaga galgá juohkehaččas vejolašvuohta geavahit.

  • Coronadilli Álttás

    Álttá suohkan ávžžuha rávisolbmuid unnidit ovttastallama. – Ovttastallat earáiguin nu unnán go vejolaš, dadjá Álttá sátnejođiheaddji Monica Nielsen.

    Sii rávvejit maiddái doallat gaska. Jus dan ii leat vejolaš, de rávve njálbmesuoji atnit. Suohkan bivdá olbmuid fitnat boahkoheamen iežaset. Ja dan lea maid dál vejolaš dahket eahketbeaivvi.