Gordnemuohta
Seaŋáš (seaŋaš) lea gordnemuohta gertniid vuolde, čállá Nils Isak Eira girjjis Bohccuid luhtte. Dát muohta lea lagamus eatnama ja lea oaidnit dego kroavvasálttit. Yngve Ryd muitala vel ahte eanaliekkas dat ráhkada seaŋáža. Dán ádjána dahkat miehtá dálvvi. (Snö).
Anolaš
Seaŋáš lea máŋgga dáfus hui anolaš go dan heive bures suddadit čáhcin ja dainna sáhttá maiddái buhtistit/ráidnet biktasiid, omd. gávtti sáhttá vađđulit seaŋášmuohttagis vai buhtásmuvvá.