Sámediggi lea ođasmahttán ovdal almmuhuvvon Čállinrávagirjji davvisámegiela várás maid Sámediggi buvttadii 2003:s, ja dan lea Giellagáldu davvisámi giellajuogus dohkkehan cuoŋománu 13. beaivvi 2016.
Deháleamos rávvagat
Riektačállinrávvagat-girjjážis leat dábáleamos čállinrávvagat mielde, earret eará nu go gaskamearkkaid geavaheapmi, movt rihkku, čuokkis, golbma čuoggá, beallečuokkis, gažaldatmearka, čuorvvasmearka, finjusáhcu ja eará čállinmearkkat galget adnot.
Girjjážis gávdná maid vástádusaid dábáleamos gažaldagaide, earret eará vierissániid ja loatnasániid geavaheami birra, sátnejuohkima birra ja álgobustávaid birra (goas stuora ja goas unna álgobustávva geavahuvvo). Girjjážii leat maid váldán mielde rávvagiid movt davvisámegiela oanádusat adnojit, ja oanáduslisttu.
Oinnii dárbbu ođasmahttit
– Sámediggi oinnii dárbbu ođasmahttit Čállinrávagirjji, go ovddit veršuvnnas ledje ollu boasttuvuođat, váilivuođat, ii ge lean nu álki geavahit, lohká Sámedikki presideanta Aili Keskitalo preassadieđáhusas.
Girji
, muhto deaddiluvvo maid farggamusat.