Hopp til innhold

Sávvá boarrásiidsiidda márkosámiide

Iinná- ja biras sámiid searvi aiggošii ásahit sierra borrásiidsiidda márkosámiide Evenáššis ja Skániin.

Ann-Mari Thomassen

Ann-Mari Thomassen hálidivččii dáhkidit márkosámiide oadjebas dili go boarásmuvvet.

Foto: Dan Robert Larsen / NRK

Guktuid gielddaid sátnejođiheaddjit leaba mielas dása, muhto Evenášši sátnejođiheaddji gal dadjá juo buori boarrásiidfálaldaga sis.

Skánit suohkan guorahalai ášši golmma jagi dás ovdal. Dalle jerre buot boarrásiin, ahte gos áiggošedje orrot go ieža eai šat birge.

Ordfører i Skånland, Einar Aune (H)

Sátnejođiheaddji Einar Aune.

Foto: Mathis Eira / NRK

– Iskkadeapmi čájeha ahte smávva oasáš hálidivčče orrut márkoguovlluin. Eatnašat hálidit lagabuid guovddášbáikki, čilge sátnejođiheaddji Einar Aune (Olgešbellodat).

Iinná- ja biras sámi searvvi jođiheaddji, Ann-Mari Thomassen muitala ahte lea oaidnán dán iskkadeami maid Skánit suohkan čađahii. Son dáhtošii ahte ođđa iskkadeami maid Várdobáiki guovddáš sáhtášii čađahit iežaset gielladeaivvademiin

– Dalle livččii doaivva eanebuid sávvat márkosámi guovlluin ássat go boarásmuvvet, čilge son.

Ann-Mari Thomassen ii mieđit gal ásahit priváhta boarrásiidsiidda go dan ođđa dearvvašvuođaođastusa vuođul galget eallilanolbmot beassat orrut lagasbirrasis maid boarasmuvvanbeivviid.

Korte nyheter

  • Mánáidgárddiin ja skuvllain váilot fágaolbmot – bivdá stáhtas veahkki

    Fágaolbmot, mat hálddašit sámegiela, váilot mánáidgárddiin ja skuvllain, ja dát váilevašvuohta lea nu duođalaš ahte Deanu sátnejođiheaddji Helga Pedersen bivdá stáhta doaimmaid bidjat johtui. Deanu gielddas háliiditge eanet ahte eanet váhnemat mánáideaset sámi mánáidgárdái bidjat.

    Muhto, go dárbu laská, de šaddá maid váddásabbon fidnet olbmuid geain lea máhttu, muitala mánáidgárdejođiheaddji Laila Kristine Krokmo.

    Departemeanta lea bargamen stuorradiggedieđáhusain mii lea juste rekrutterema ja máhttu birra, ja seammás lasihit doarjaga sámi mánáidgárddiide ja skuvllaide 2023:s.

    Helga Pedersen
    Foto: Bård Wormdal
  • Ovddida eahpeluohttámuša sámediggeráđđái

    Norgga Sámedikki Ovddádusbellodagas ii leat šat luohttámuš sámediggeráđđái Hans Ole Eirai, ja leage ovddidan eahpeluohttámuša su vuostá.

    Ovddádusbellodaga sámediggejoavkku parlamentáralaš jođiheaddji, Arthur Tørfoss ovddidii eahpeluohttámuša Norgga Sámedikki dievasčoahkkima rahpama oktavuođas. Tørfoss oaivvilda ahte Eira ii leat rievttes dieđuid addán dievasčoahkkimii duoji váldošiehtadusa heaittiheami oktavuođas.

    – Dan in leat dáhkan. Mun lean viggan addit nu bures daid dieđuid mat mus leat dán ášši oktavuođas, vástida Eira.

    Sámediggeráđđi Hans Ole Eira. Sametingsråd Hans Ole Eira
    Foto: Åse M.P. Pulk / Sámediggi
  • Bealle miljovdna sámi dokumentárii 

    Screaming Fox Productions AS ja bagadeddjiid Elle Márjjá Eira ja Christine Cynn dokumentára «Keviselie» oažžu 500.000 ruvnnu doarjaga. Dokumentára lea dáiddára ja aktivistta Elle-Hánssa birra, Hans Ragnar Mathisen.

    Norgga filbmainstituhtta juohká guokte miljovnna dokumentáraid ráhkadeapmái mat govvidit máŋggabealatvuođa. Njealje prošeavtta ožžot doarjaga.