NRK Meny
Normal

Sávášii beassat bargat sámi mánáidgárddis

Eai leat gollan eanet go golbma mánu das rájes go duiskalaš nieida Hanna Mössner álggii oahppat sámegiela. Dál hállá sámegiela bures, ja sávašii beassat bargat sámi mánáidgárddis vai oahpašii sámegiela vel buorebut.

Hanna Mössner
Foto: Anne Olli

Hanna Mössner lea Mátta Duiskkas eret. Iežas muitala leat eanadolliid nieidan. Son vulggii Davvi Norgii vásihit erenoamáš luonddu. Gáivuonas álggii son maid oahppat sámegiela. Dál birge sámegielain juo hui bures.

Bargá ekologalaš eanadoalus Gáivuonas

Iežas muitala bargat Gáivuonas dálus gos šaddadit ja goikadit máistagiid. Muhto ii dieđe man guhká doppe leaš bargu sutnje. Stuorámus niehku lea dattetge oahppat vel eanet sámegiela, danne sávašii beassat bargui dakkár sadjái gos beaivválaččat hállet sámegiela.

Barggašii áinnas sámemánáidgárddis

Ieš árvvoštallá ahte livččii leat vuogas bargat sámámánáidgárddis, doppe gos mánát hállet dušše sámegiela. Nie beasašii nannet iežas sámegielmáhttu vel eanet.

Finnmárku geasuha

Mojiid njálmmiid muitala iežas jurdagiid, ja áinnas vuolggášii Finnmárkui bargui. Doppe ii loga iežas goassige fitnan, danne sávašii beassat doppe fitnat.

Mojiid maid geasaša dannego jearahalli jearrala mo son dat livččii jos gávnnašii sápmelaš guoimmi. Dasa ii vástit áktánasat, dušše reaškkáhaddá.

Gula jearahallama suinna Árdna Kulturmagasiinnas radios gaskavahko, golggománu 29.beaivvi, sullii diibmu 17.00. Dahje gula dan dás:

.