– Go lean militearas, de sáhttet gohččut eará doaimmaide ja mon galggan Bådådjåi dál fárret, juoga man in diehttán go nominašuvdnabarggut ledje, čilge Eikeland.
Son lea HV 17 majora ja lei njunuš evttohas bellodagas mas dál ii leat gielddastivrraáirras.
Dál lea Margot Irene Thomassen dán bellodaga sátnejođiheaddji evttohas.
Loga maid:
Seamma bargosajis
Sihke Gurutbellodaga ovddeš vuosttaš evttohas Elisabeth Eikeland, Ovddádusbellodaga vuosttaš evttohas Torgeir Thomassen ja Sosialisttalaš Gurutbellodaga vuosttaš evttohas Cecilie Gjennestad barget seamma sajis, militeara HV 17 báikkis Porsáŋggus.
- Lea veaháš erenoamáš gal dat ahte leimmet golbma sátnejođiheaddji evttohasa seamma bargosajis, loahpaha Eikeland.
Porsáŋggus leat dál buot evttohaslisttu dohkkehuvvon ja leat čieža listtu čavčča válggas.
