Sara galgá njuovvat bohccuidis

Dál gáibida Norgga stáhta ahte Jovsset Ante Sara njuovvá ealus 75 heggii, čállá Aftenposten.no. Diibmá vuoittáhalai Sara alimusrievttis alimus boazologu áššis mas celkui ahte galgá njuovvat 350 heakkas 75 heggii. Sara ii dohkkehan dan ja lea váidán ášši olmmošvuoigatvuođakomiteai. Dat lea dál meannudeame dán ášši. Norgga eanandoallodirektoráhta Liv Berit Hætta lohká aviisii ahte Sara ášši lea mannan buot Norgga riektevuogádagaid čađa, ja dál lea lunddolaš álggahit doaimmaid vaikko ON olmmošvuoigatvuođakomitea leage gieđahallame ášši.– Mii oaivvildit dat lea riekta. Eatnašat leat juo njuovvan gáibiduvvon alimus boazolohkui ja bággonjuovvan lea maŋemuš čoavddus dás, lohká Hætta aviisii.

Jovsset Ante Sara i Høyesterett
Foto: Mathis Eira / NRK