NRK Meny
Normal

Sápmi vuolimusas

Jos sámi riikajoavku searvá dán gease Conifa eurohpámeašttir čiekčamiidda, sullos Isle of Man, de leat heajumus joavkkuid gaska ovdal vuorbádeame.

Conifa World Cup 2014

Sápmi okta dan njealja vuolimus joavkkus, ovdal EM-čiekčamiid vuorbádeame.

Foto: Sergey Gavrilov/NRK / NRK

12 joavkku leat bovdejuvvon dieid čiekčamiidda, okta dain sámi riikajoavku mii mannan geasi lei Conifa World Cup čiekčamiin Staares.

FA Sámi stivrraovddasteaddjit leat dán vahkkus lohkan ahte mearret áššis ovdalgo stivrračoahkkima dán mánu loahpas, Oslos.

Njealja joavkku bajimusas

Conifas galget njealja ossodaga dán gease EM-čiekčamiin, mas Oksitania, Padania, Conty of Nice ja Davvi-Kypros leat dan njealja njunos joavkku.

Ellan Vannin, ruovttujoavku Isle of Man sullos, Nagorno-Karabakh, Abkhasia ja Szekely Land leat dat nubbin buoremus joavkkut, Conifa árvvoštallama mielde.

Dat njealja heajumus joavkku ovdal EM-čiekčamiid vuorbádemiid, leat Sápmi, Franconia, Mátta-Ossetia ja Romániálbmot.