Sápmi govvaráidu viidu

Su govvaráiddut oidnojit nugo áviissain ja sosiálamediain, fargga oidnogohtet Sápmi govvaráiddut maid NRK Sámi neahttasiidduin.

Tegneseriestripe av Runar Balto

Sápmi govvaráidu.

Tevdnejeaddji Runar Balto mielas lea somá go su bargu oidnogoahtá eanet ja ahte olbmot atnet su barggu árvvus.

– Dál šaddá eanet bargu

Dál šaddá sus eanet bargu go álgá ráhkadit govvaráidduid NRK:ii.

Dat govvaráiddut mat oidnojit áviissain ja sosiálamediain sáhttet oidnot máŋgga áviissain, muhto dat govvaráddut mat bohtet NRK Sámi neahttasiidduide dat oidnojit dušše doppe.

– Die de lea dat erenomašvuohta dás. Nu ahte dál šaddá sutnje dieđusge ollu eanet bargu, muhto ii son suorgan dainna, dadjá Balto.

(Ášši joatká gova vuolábealde)

Guhkká bargan

Runar Balto

Tevdnejeaddji Runar Balto tevdnemin govvaráidduid.

Foto: Dan Robert Larsen / NRK

– Go olmmoš lea guhkká jo bargan dáinna, de hal gal jo ideat eambbo bohtet ja mášiidna masa jo ieš jorragoahtá go son álgá bargat, čaibmá son.

Runar Balto lea jo 30 jagi bargan Sápmi govvaráidduin, ja lohká olbmuid jearahan sus manne son ii almmut govvaráidduid omd. stuorát sámi servvodagaid neahttasiidduide.

– Ii son leat leamaš nu dakkár gii lea nu bearehaga fállan daid govaid, nu ahte die sáhttá leahkit dat vástádus diesa, dadjá Balto

Oallugat rámidit tevdnejeaddji barggu ja bivdet eanet govvaráidduid sámi neahttasiidduide, ja farggamusat besset ge olbmot oaidnit dáid govvaráidduid NRK Sámi neahttasiidduin.