ízü kamerahta (
) Jonas Boberg Svineng lea vuoittán golli sprintas, ja dat lea ge jusste dat mii lea su spesialitehta.
"Muhto mun maid liikon skeitástallat oalle bures. Nu gohčoduvvon Free-style" dajai Jonas.
Jonas Boberg Svineng, 12 jahkásaš.
Foto: Sara Beate Eira / NRKGo mun háleštin Jonasin de lei eahpesihkár gii lei vuoitán. "Dál de dušše vuorddit ja geahččat lean go vuoittán golli."
Sáme Radio lei govvidan jusste go Jonas čuoigai moalli, ja lei čielggas ahte son vuitti. Mii čájeheimmet sunnje dan gova..
"Oi.. Oi oi.. Oi!!" lei aidna maid son dajai ovdal go modji iđi.
"Hehe, dát gal lei somá!" jotki Jonas.
Dramatihka gaskavahkku čuoigamiin
Marja-Liissa Partapuoli lea gáras go lea sahka váláštallamis. Ovdal go vulggi Canadai sus lei čotta betennelse, čibbi bakčasat ja meastta lei doadján juolggi go lei čiekčan spábba muohtagis.
"Mun aiggun geahččalit nu ahte in beroš bákčasiguin ja dušše pushet buot maid nagodan." dajai Marja-Liissá Artic Winter Games áviisi ULU News.
Otne, gaskaváhkku, son lei ge čuoigan luistema ja go olli moalli de sus ledje julggiin váttisvuođat.
"Son lei njunnožis gitta dan maŋŋemuš luohkkái ja stivvui. Gálbma dálki mii dan dagahi, ja dieđuske go sii leat čuoigan golbma beaivvi máŋŋálaga - das gal váibá." dajai Aslat Paltto, gii lea sámi joavkku jođiheaddji.
Sámi joavkku jođiheaddji Aslak Paltto
Foto: Sara Omma
"Son lea bártidan julgiin ovdal ja go olli moalli dovddo bákčasat. Muhto sunnje manná bures dál." lásihi Paltto.
