Stipeanda galggašii dahkat dáiddárii vejolažžan eambbo bargat dušše dáidagiinnis ja dan ovddidit.
Stipeandda sturrodat lea 100.000 vearuhis Ruoŧa ruvnnu, čuvge
Anders Sunna lea dál 30 jagi ja son lea náitalan Anna-Marie Sunnain. Sutnos lea guđajahkásaš bárdni, Jon Isak.
- Loga Anders Sunna birra dárogillii:
(Ášši joatkašuvvá gova vuolábealde)
Anders Sunna dáidda mas oaidná sámeleavgga masa lea sárgojuvvon Kalašnikov mášenbissu, bohciidahtii olu ságastallama go dat vuosttaš geardde čájehuvvui Sámi dáiddaguovddážis Kárášjogas skábmamánu loahpas jagis 2013.
Foto: Dan Robert Larsen / NRKNá čilge neahttasiidu su dáidaga:
Anders Sunna dáidda lea dakkár mii dahká, ahte olmmoš das berošta. Muhtimat suhttet, nuppit gis movttáskit, beroškeahttá leago geahčči sápmelaš vai láddi.
Njuohtamis son geavaha nugohčoduvvon collage-teknihka, mas ivnnit leat govdadit njuhttojuvvon ja mas grafitti lea oassin.
Son čájeha nálledutkama, kolonialismma, bággofárremiid ja badjelgeahččanvuođa.
Su dáidagis čájehuvvo stáhtaváldi namahis ruškesbáiddat virgeolmmožin.
Ruvkeealáhusa bargomášiinnat orrot dego issoras sevdnjes soahtevuojánat, mat fallehit boazoguohtoneatnamiid dahje bolesat mat veahkaválddiin bággejit eret boazodoalliid.
Eambbo Anders Sunna birra dárogillii:
