Sanner jienastii juoigama vuostá

Gieldda- ja ođasmahttinministtar Jan Tore Sanner (O) lea NRK Sámi Instagram-siiddus jienastan ahte juoigan ii galgga leat oassi Stjernekamp lávlungilvoprográmmaráiddus, mii lávvardagaid sáddejuvvo NRK1:s. Sanner cealká baicce maŋŋá ahte son jáhkkimis lea dieđikeahttá nisttihan guoskkahit jienastanboalu iežas telefuvnnain, go ii daja iežas leat oaidnán ovttage prográmma, ja nu eai leat oaivilat sus prográmma birra.