Saemien nasjovnale maahtoejarnge jih psykiske healsoevaarjelimmie «Sanks» åejviekontovre lea noerhtine Karasjohkesne, daan mearan golme prosjeekte voengeskontovrh åarjelisnie, Divtasvuonesne, Snåasesne jih Oslosne. Daelie dah permaneente sjidtieh. Gun Heatta lea klinijhkeåejvie jih dihte lea aavosne.
–Guhkiem barkeme daan åvteste. Mijjieh joekoen geerjene naemhtie sjidti. Dah voengeskontovrh prosjeekte dajvine orreme. Ibie maahteme eensi faaleldahkem faaledh gosse ibie daajreme mejtie aajmene sjidtebe. Barkoes orreme, dejtie mij viehkiem daarpesjieh jih aaj dejtie healsoebarkijide.
Vihkeles saemieh Nøørjesne, seamma faaleldahkem åadtjoeh.
– Daate lea vihkeles. Sanks åtna diedtem jih seamma faaleldahkem gaajhk saemide Nøørjesne faaledh. Tjoeveribie daelie seamma healsoe-faaleldahkem daejtie saemide evtiedidh. Desnie aaj gïehtjedimmie, faage-evtiedimmie jih bïhkedimmie, Heatta jeahta.
- Lohkh aaj:www.nrk.no/kanal/nrk_sapmi/1.11329863
Gïele jih kultuvre-guarkedse vihkeles.
Mannasinie tjuerieh saemieh jeatjah faaleldahkem åadtjodh?
Saemieh mij healsoe viehkiem daarpesjieh edtjieh sijjien ietnien-gïelem åadtjodh soptsestidh jih aaj dihte saemien kultuvre joekehtadta daaroen kultuvreste. Vuajneme daesnie noerhtine dellie eah dah saemieh sijhth daam daaroen healsoe faaleldahkem leajhtadidh. Daelie maehtebe dah voengeskontovrijh barkoem bueriedidh, Heatta jeahta.
Ektiebarkoelaatjke Jiemten leenen ektesne.
– Mijjieh aaj ektiebarkoelaatjkem Jiemten leenen ektesne tjaaleme. Daate dorje Snåasen kontovre jienebe barkoem åådtje jis saemieh Sveerjen bieleste, healsoe viehkiem daarpesjieh, Heatta jeahta.