Sámit eai vel Davviriikaid ráđđái

Ii leat vel ge áigi sámiide čáhkket miellahttosaji Davviriikaid ráđis, lohká norgga sámeministar, Rigmor Aasrud.

Rigmor Aasrud (Ap)
Foto: NRK

Son lea ikte deaivvadan Ruonáeatnama stáhtaministariin ja sagastallan das mo davviriikalaš ovttasbarggu galggašii nannet. Ruonáeana lea miellahttun davviriikaid ráđis, muhto Aasrud mielas eai ollášuhte sámit eavttuid beassat ollislaš miellahttun Davviriikaid ráđđái.

Sámedikkis eara sajádat

Kalaallit Nunaat lea iešstivrenguovlu nugo Fearsullot ja Ålánda. Lea lunddolaš ahte Kalaallit Nunaat lea ollislaš mielláhttu Davvirikkaid ráđis, lohka Aasrud.

Norgga sámedikkis leages eara politihkkalaš sajádat Norggas, ja danin ii leat su mielas lunddolaš čáhkket saji ollislaš miellahttun, deattuha Aasrud. Sámit besset dál oasalastit dušše áizin dahje observatevrren.

Retter imašta

Sámiráđi biras ja árktalašossodaga jođiheaddji, Gunn Britt Retter, imašta

Gunn-Britt Retter, sametingsrepresentant
Foto: Arne Store / NRK

sámeministara oainnu. Su mielas livčče vuoiggalaš addit sámiide miellahttuvuođa.

- Aasruda ákkastallan gos lohka ahte Kalaallit Nunaatas lea ieštivrejupmi, ii doala deaivasa go, Kalaallit Nunaat lei miellahttu ovdal go oaččui dien statusa.