Deatnolaš Viktor Trosten lohká Kárášjoga sátnejođiheaddji árvalusa gieldit luossabivdu Deanu čázádagas 7 jahkái, fuones árvalussan. – Jus gildet, de gal nohká árbevirolaš luossabivdu. Buođđun ja golgadeapmi váldá luosaid main leat heajos genat. Albma luosat mat gođđet, eai mana buđđui. Jus mannet, de mannet čađa buođu, dadjá Trosten
Guorbmebiilavuoddji celkkii iežas sivaheapmin go diggi su vuostá álggii Luleju diggegottis gaskavahku. Son lea áššáskuhtton elliid biinnideames go skábmamánus 2019:s guorbmebiillain doarredii bohccuid geaidnoráiggi. Dáhpáhusa filbmii ja bijai sosiála mediaide. Das gullá go dadjá ruoŧagillii «Go eai oppa váibba ge! Diet šaddet Norrlándda sávrrimus boazun nie mo son daid bahkkeha». Sihke gálvo-ealáhussuorgi, eará vuoddjit ja sámediggi leat garrasit cuiggodan dagu. Vuoddji lea maŋŋá sms bokte átnon ándagassii dagus dihtii.
