Hopp til innhold

Sámis čeahpes filbmadahkit

Sámis leat olu čeahpes filbmadahkit, nu oaivvilda beakkánis filbmadahkki Nils Gaup maŋŋilgo lea leamaš bagadallin logi ođđa sámi filbmadahkkái Sámi Filbmafestivála filbmabargo workshop:s.

Nils Gaup

Nils Gaup

Foto: NRK

Gula jearahallama Nils Gaupain ja Elle Márjá Eirráin

Gieskat lágidii Sámi Filbmafestivála filbmadahkkiide bargoseminára, ja dán oktavuođas lei filbmadahki Nils Gaup bagadallin logi ođđa filbmadahkkai. Gaup lea hirbmahuvvan go dán logi filbmadahkis ledje nu buorit filbma árvalusat ja muitalusat, main sáhtašii buriid filmmaid ráhkadit.

Nils Gaup ja Sverre Porsanger

Nils Gaup ja Sverre Porsanger

Foto: Johan Mathis Gaup

Sámi filbmaguovddáš doaibmagoahtit

Nils Gaup sávašii Sámi Filbmaguovddáš Guovdageainnus doaibmagoađášii nu johtilit go vejolaš, vai eanebut sáhtašedje ráhkadišgoahtit filmmaid. Filmmain sáhttá buot buoremusat lágidit olbmuide dán maid sidjiide háliidivčče muitalait.

Ilus go Nils Gaup lei bagadallin

Sámi Filbmafestivála workshop

Sámi Filbmafestivála workshopas Elle Márjá Eira

Foto: Johan Mathis Gaup

24 jahkásaš Elle Márjá Eira, gii lea Finnmárkku Allaskuvlla mediabuvttadan oahppus, muitala iežas leat giitevažžan go oahppan filbmadahkki lei bagadallin. Son muitala Nils Gaup len erenoamáš čeahpes bagadallin.

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.